<span lang="SW">Kama ambavyo mtukufu mtume jambo lake kuu ni kuweza kuuongoza umma kufikia katika malengo makubwa, basi swala zima la kutimiza ibada nzima ya funga kwa ukamilifu ni katika maswala yanayoambatana na kazi yake hiyo. Hivyo katika kuukaribisha mwezi mtukufu wa Ramadhani, aliweza kuwahutubia waumini kwa lengo la kuwapa maandalizi yatakayowawezesha kuufunga mwezi huu hali ya kuwa wana elimu tosha juu ya nini kifanyike na nini kisifanyike. Ifuatayo ni hotuba hiyo muhimu pamoja na tarijama yake:</span>

<span lang="SW">Amepokea Imamu Ally as kwamba siku moja mtukufu Mtume karibuni na mwezi wa Ramadhani aliwahutubia waumini na kuwaambia:</span>
<p align="right"><span dir="RTL" lang="AR-SA">أَیهَا النَّاسُ إِنَّهُ قَدْ أَقْبَلَ إِلَیکمْ شَهْرُ اللَّهِ بِالْبَرَکةِ وَ الرَّحْمَةِ وَ الْمَغْفِرَة</span></p>
<span lang="SW">"Enyi watu, kwa hakika mmejiwa na mwezi wa Mwenyezi Mungu kwa baraka na rehema na maghfirah (msamaha)..”</span>
<p align="right"><span dir="RTL" lang="AR-SA">شَهْرٌ هُوَ عِنْدَ اللَّهِ أَفْضَلُ الشُّهُورِ وَ أَیامُهُ أَفْضَلُ الْأَیامِ وَ لَیالِیهِ أَفْضَلُ اللَّیالِی وَ سَاعَاتُهُ أَفْضَلُ السَّاعَاتِ</span></p>
<span lang="SW">" Ni mwezi ambao mbele ya Mwenyezi Mungu ni bora kuliko miezi mingine, na masiku yake ni bora kuliko masiku mengine, na usiku zake ni bora kuliko usiku nyingine, na hata masaa yake ni bora kuliko masaa ya miezi mingine..”</span>
<p align="right"><span dir="RTL" lang="AR-SA">وَ هُوَ شَهْرٌ دُعِیتُمْ فِیهِ إِلَی ضِیافَةِ اللَّهِ وَ جُعِلْتُمْ فِیهِ مِنْ أَهْلِ کرَامَةِ اللَّهِ</span></p>
<span lang="SW">"Ni mwezi ambao Mwenyezi Mungu amewaalika katika karamu yake, na amewakusanya katika wenye kustahiki kukirimiwa naye...”</span>
<p align="right"><span dir="RTL" lang="AR-SA">أَنْفَاسُکمْ فِیهِ تَسْبِیحٌ وَ نَوْمُکمْ فِیهِ عِبَادَةٌ وَ عَمَلُکمْ فِیهِ مَقْبُولٌ وَ دُعَاؤُکمْ فِیهِ مُسْتَجَابٌ</span></p>
<span lang="SW">"Pumzi zenu katika masiku haya ni tasbihi, usingizi wenu ni ibada, matendo yenu ni yenye kukubaliwa, na dua zenu pia ni zenye kujibiwa....”</span>
<p align="right"><span dir="RTL" lang="AR-SA">فَاسْأَلُوا اللَّهَ رَبَّکمْ بِنِیاتٍ صَادِقَةٍ وَ قُلُوبٍ طَاهِرَةٍ أَنْ یوَفِّقَکمْ لِصِیامِهِ وَ تِلَاوَةِ کتَابِهِ</span></p>
<span lang="SW">" Basi muombeni mola wenu kwa nia safi na nyoyo zilizotoharika, aweze kuwajaalia kuufunga na pia kusoma kitabu chake kitakatifu (Quran)...”</span>
<p align="right"><span dir="RTL" lang="AR-SA">فَإِنَّ الشَّقِی مَنْ حُرِمَ غُفْرَانَ اللَّهِ فِی هَذَا الشَّهْرِ الْعَظِیمِ</span></p>
<span lang="SW">" Kwani mwovu kabisa ni yule ambaye atakosa kusamehewa katika mwezi huu mtukufu...”</span>
<p align="right"><span dir="RTL" lang="AR-SA">وَ اذْکرُوا بِجُوعِکمْ وَ عَطَشِکمْ فِیهِ جُوعَ یوْمِ الْقِیامَةِ وَ عَطَشَهُ</span></p>
<span lang="SW">"Na kwa kupitia mwezi huu tumieni kiu na njaa yenu kukumbuka kiu na njaa ya siku ya kiyama...”</span>
<p align="right"><span dir="RTL" lang="AR-SA">وَ تَصَدَّقُوا عَلَی فُقَرَائِکمْ وَ مَسَاکینِکمْ</span></p>
<span lang="SW">"Na toeni sadaka kwa ajili yenu na kwa ajili ya wasiojiweza kati yenu”</span>
<p align="right"><span dir="RTL" lang="AR-SA">وَ وَقِّرُوا کبَارَکمْ وَ ارْحَمُوا صِغَارَکمْ وَ صِلُوا أَرْحَامَکمْ</span></p>
<span lang="SW">"Heshimuni wakubwa kwenu, hurumieni wadogo wenu, na ungeni udugu wenu..”</span>
<p align="right"><span dir="RTL" lang="AR-SA">وَ احفَظُوا ألسِنَتَکم، وغَضّوا عَمّا لایحِلّ النَّظرُ إلیه أبصارَکم، و عمّا لایحلّ الإستِماعُ إلیه أسماعَکم</span></p>
<span lang="SW">" Hifadhini ndimi zenu, na inamisheni macho yenu kunako ambayo hayafai kuangalia, na zibeni masikio yenu kunako ambayo hayafai kuyasikiliza....”</span>
<p align="right"><span dir="RTL" lang="AR-SA">وَ تَحَنَّنُوا عَلَی أَیتَامِ النَّاسِ یتَحَنَّنُ عَلَی أَیتَامِکمْ</span></p>
<span lang="SW">" waoneeni huruma mayatima wa watu ili na nyie muonewe huruma mayatima wenu..”</span>
<p align="right"><span dir="RTL" lang="AR-SA">تُوبُوا إِلَی اللَّهِ مِنْ ذُنُوبِکمْ</span></p>
<span lang="SW">Tubieni kwa Mwenyezi Mungu kutokana na madhambi yenu</span>
<p align="right"><span dir="RTL" lang="AR-SA">وَ ارْفَعُوا إِلَیهِ أَیدِیکمْ بِالدُّعَاءِ فِی أَوْقَاتِ صَلَوَاتِکمْ فَإِنَّهَا أَفْضَلُ السَّاعَاتِ</span></p>
<span lang="SW">" Na inueni kwake mikono yenu kwa ajili ya maombi katika nyakati za sala zenu, kwani nyakati hizo ni nyakati bora mno uliko nyingine zote...”</span>
<p align="right"><span dir="RTL" lang="AR-SA">یَنْظُرُ اللَّهُ عَزَّ وَ جَلَّ فِیهَا بِالرَّحْمَةِ إِلَی عِبَادِهِ، یُجِیبُهُمْ إِذَا نَاجَوْهُ وَ یُلَبِّیهِمْ إِذَا نَادَوْهُ وَ یَسْتَجِیبُ لَهُمْ إِذَا دَعَوْهُ</span></p>
<span lang="SW">" Ni nyakati ambazo Mwenyezi Mungu huwaangalia waja wake kwa huruma, huwajibu pale wanapomuomba, huwaitikia wanapomuita, na huwapokelea pale wanapomuomba...”</span>
<p align="right"><span dir="RTL" lang="AR-SA">أَیهَا النَّاسُ إِنَّ أَنْفُسَکمْ مَرْهُونَةٌ بِأَعْمَالِکمْ فَفُكّوهَا بِاسْتِغْفَارِکمْ</span></p>
<span lang="SW">" Enyi watu, hakika nafsi zenu zimewekewa rehani matendo yenu, basi zikomboeni kwa kuzidisha istighfar (msamaha)...”</span>
<p align="right"><span dir="RTL" lang="AR-SA">وَ ظُهُورُکمْ ثَقِیلَةٌ مِنْ أَوْزَارِکمْ فَخَفِّفُوا عَنْهَا بِطُولِ سُجُودِکمْ</span></p>
<span lang="SW">" Na migongo yeni ni mizito kutokana na madhambi yenu, basi ifanyeni itoeni uzito huo kwa kurefusha sajda zenu...”</span>
<p align="right"><span dir="RTL" lang="AR-SA">وَ اعْلَمُوا أَنَّ اللَّهَ تَعَالَی ذِکرُهُ أَقْسَمَ بِعِزَّتِهِ أَنْ لایعَذِّبَ الْمُصَلِّینَ وَ السَّاجِدِینَ وَ أَنْ لایرَوِّعَهُمْ بِالنَّارِ یوْمَ یقُومُ النَّاسُ لِرَبِّ الْعالَمِینَ</span></p>
<span lang="SW">" Na tambueni ya kwamba Mwenyezi Mungu mtukufu ameweka kiapo ya kwamba hatowaadhibu wala kuwatishia moto wa jahanamu wenye kuswali na kusujudu sana siku ambayo viumbe vyote vitasimama mbele ya mola na mlezi wa walimwengu....”</span>
<p align="right"><span dir="RTL" lang="AR-SA">أَیهَا النَّاسُ مَنْ فَطَّرَ مِنْکمْ صَائِماً مُؤْمِناً فِی هَذَا الشَّهْرِ کانَ لَهُ بِذَلِک عِنْدَ اللَّهِ عَزَّ وَ جَلَّ عِتْقُ رَقَبَةٍ وَ مَغْفِرَةٌ لِمَا مَضَی مِنْ ذُنُوبِهِ</span></p>
<span lang="SW">" Enyi watu! Mwenye kumfuturisha muumini aliyefunga katika mwezi huu basi atakuwa na malipo ya kumwacha huru mtumwa na pia atasamehewa dhambi zake zote zilizopita...”</span>
<p align="right"><span dir="RTL" lang="AR-SA">فَقِیلَ لَهُ یا رَسُولَ اللَّهِ لَیسَ کلُّنَا یقْدِرُ عَلَی ذَلِک فَقَالَ(ص) اِتَّقُوا النَّارَ وَ لَوْ بِشِقِّ تَمْرَةٍ اتَّقُوا النَّارَ وَ لَوْ بِشَرْبَةٍ مِنْ مَاءٍ</span></p>
<span lang="SW">Baada ya mtume kusema kauli hii watu walimuuliza na kumwambia " ewe mtume wa Mwenyezi Mungu, sio kila mmoja wetu anaweza kufanya hivyo!”, mtume akajibu kwa kusema "Jiepusheni na moto hata kwa fundo moja la maji”.</span>

<span lang="SW">Kisha akaendelea kwa kusema:</span>
<p align="right"><span dir="RTL" lang="AR-SA">َیهَا النَّاسُ مَنْ حَسَّنَ مِنْکمْ فِی هَذَا الشَّهْرِ خُلُقَهُ کانَ لَهُ جَوَازاً عَلَی الصِّرَاطِ یوْمَ تَزِلُّ فِیهِ الْأَقْدَامُ</span></p>
&nbsp;

<span lang="SW">" Enyi watu! Mwenye kuwa na tabia nzuri katika mwezi huu atakuwa amejirahisishia kupita katika Sirat siku ya kiyama siku ambayo kuna nyoyo zitashindwa kupita....”</span>
<p align="right"><span dir="RTL" lang="AR-SA">وَ مَنْ خَفَّفَ فِی هَذَا الشَّهْرِ عَمَّا مَلَکتْ یمِینُهُ خَفَّفَ اللَّهُ عَلَیهِ حِسَابَهُ</span></p>
<span lang="SW">" Na mwenye kupunguza majukumu kwa ambao anawamiliki basi Mwenyezi Mungu pia atampunguzia hesabu yake...”</span>
<p align="right"><span dir="RTL" lang="AR-SA">وَ مَنْ کفَّ فِیهِ شَرَّهُ کفف [کفَ] اللَّهُ عَنْهُ غَضَبَهُ یوْمَ یلْقَاهُ</span></p>
<span lang="SW">" Na mwenye kuzuia shari yake kwa viumbe basi Mwenyezi Mungu pia atamkinga na hasira zake siku ambayo atakutana naye...”</span>
<p align="right"><span dir="RTL" lang="AR-SA">وَ مَنْ أَکرَمَ فِیهِ یتِیماً أَکرَمَهُ اللَّهُ یوْمَ یلْقَاهُ</span></p>
<span lang="SW">" Na mwenye kumkirimu yatima basi Mwenyezi Mungu pia atamkirimu siku watakayokutana....”</span>
<p align="right"><span dir="RTL" lang="AR-SA">وَ مَنْ وَصَلَ فِیهِ رَحِمَهُ وَصَلَهُ اللَّهُ بِرَحْمَتِهِ یوْمَ یلْقَاهُ وَ مَنْ قَطَعَ فِیهِ رَحِمَهُ قَطَعَ اللَّهُ عَنْهُ رَحْمَتَهُ یوْمَ یلْقَاهُ</span></p>
<span lang="SW">" Na mwenye kuunga udugu wake katika mwezi huu basi Mwenyezi Mungu atamuunganisha na rehema zake siku watakayokutana, na mwenye kukata udugu wake katika mwenzi huu basi Mwenyezi Mungu pia atamkatia rehema zake siku watakayokutana.....”</span>

Author

File

Persian Title

Qr Code

Source

is suggested

View

Hotuba ya Mtume saww katika kuukaribisha mwezi mtukufu wa Ramadhani -1

<header class="node-header-book">
<h2><span style="font-size: 16px;">Ni Sunna ya Mtume (s.a.w.) aliyomfunza Jabir bin Abdillahi Al Ansariy kuwa, katika Ijumaa ya mwisho ya Ramadhani, maneno haya yasomwe:</span></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

“Ee Mola! Usiijaalie Ramadhani ya mwaka huu kuwa ndiyo mwisho wetu wa kufunga. Kisha ninakuomba Unijaalie niwe mwenye kurehemewa wala Usinijaalie kunyimwa (malipo bora).”

</div>
</div>
</div>

Dua Ya Kuuaga Mwezi Wa Ramadhan

<header class="node-header-book">
<h2><span style="font-size: 16px;">"Hakika amekwisha faulu aliyejitakasa (na mabaya kwa kutoa zaka) na akakumbuka jina la Mola wake na akasali." 87: 14-15.</span></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Zaka ya Fitri ambayo kwa jina jengine huitwa 'Zaka ya kiwiliwili' ni faradhi ambayo ilifaradhiwa ili kuwatakasia waliofunga Saumu zao.

Zaka hii ya Fitri, humlazimu mtu aliyebaleghe, aliye na akili, huru, na mwenye kuweza.

Mbali na kuwa utakaso kwa viwiliwili, Fitri hii huwa ndicho kifurahisho kwa asiye na uwezo ili naye apate kufurahia siku ya kufuturu (siku ya Iddi) kama wenzake.

Aliyeyatimiza masharti ya kuitoa zaka hii, hulazimika kujitolea yeye mwenyewe na kumtolea kila anayehesabika kuwa wa familia yake na anayemlazimu kumlisha hata kama ni mgeni akiwa alimjia kabla ya kuingia usiku wa kuamkia Iddi. Ama mgeni aliyefika baada ya kuingia usiku, na mtoto aliyezaliwa baada ya kuingia usiku, yaani Magharibi, hawalazimu kuwatolea zaka hii ya Fitri.

Wakati wa kuitoa, ni baada ya kuingia usiku wa kuamkia Iddi, na ni vizuri zaidi kuitoa kabla ya Kusali sala ya Iddi.

Kitolewacho ni tende, ngano, shayiri (barley) na zabibu au kiwango (senti) cha chakula kitumikacho zaidi nchini. Kila mtu hutolewa pishi (kilo tatu - 3kg).

Wapewao zaka hii ya Fitiri, ni Waislamu wenye imani wasiojiweza. Ni Sunna kuwatanguliza katika ugawanyaji, watu wako, yaani wa ukoo wako, kisha majirani walio fukara (maskini). Na miongoni mwa wanaostahili kupawa, ni vyema kuwatanguliza wenye elimu kisha wenye dini zaidi. Ama (Mwisilamu) mlevi, na asiyesali watu hao hawapawi.

</div>
</div>
</div>

Zaka Ya Fitri

<header class="node-header-book">
<h2><span style="font-size: 16px;">Dua hizi zifuatazo husomwa dua moja moja toka mwanzo ya tarehe mosi Ramadhani hadi Muwadda ya mwezi yaani tarehe 30 za Ramadhani.</span></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Kila dua ina siku yake, na inaweza kusomwa mara nyingi kadiri ya uwezo wa mtu mwenyewe.
Dua zenyewe ni hizi zifwatazo.

1. Ee Mwenyezi Mungu! Kujaalie kufunga kwangu katika mwezi huu kuwe ni kufunga kwa wanaofunga (Saumu zao zikawa sahihi na kukubaliwa. Na kusimama kwangu kwa ibada kuwe sawa na wanaofanya ibada (zao zikapokelewa), na Uniepushe na usingizi wa wavivu, niwezeshe niukamilishe Ewe Mola wa Walimwengu, na Uniafu Ewe Mwenye kuwasamehe wakosaji.

2. Ewe Mola wangu! Nikurubishe katika mwezi huu karibu na radhi yako, na uniepushe katika mwezi huu hasira zako na maangamizo yako, na Uniwafikie niweze kukisoma kitabu chako Qur'ani Ewe Mrehemevu mno.

3. Ee Mwenyezi Mungu! Niruzuku katika mwezi huu uekevu na uzinduko, Uniepushe Ubaradhuli na upumbavu, na Unijaalie kupata fungu la kila heri itakayoshuka katika mwezi huu ewe Mbora wa wanaokarimu.

4. Ee Mwenyezi Mungu! Nipe nguvu za kuniwezesha kufuata amri zako, Unionjeshe katika mwezi huu Utamu ya kukutaja (kila wakati), Uniwezeshe kutekeleza wajibu wa kukushukuru neema zako na Unihafidhi katika mwezi huu katika ulinzi wako wa sitara yako Ewe Mwenye kuona zaidi ya waoni.

5. Ee Mwenyezi Mungu! Nijaalie katika mwezi huu niwe miongoni mwa wanaoomba maghfira (kwa wingi), pia nijaalie niwe miongoni mwa waja wako wema walio wanyenyekevu, Unijaalie niwe miongoni mwa watu wako walio karibu nawe kwa huruma yako Ewe Mhurumivu wa wanaohurumia.

6. Ee Mwenyezi Mungu! Usinidhalilishe katika mwezi huu kama kilipizo cha kukuasi kwangu, na wala Usinipige katika mwezi huu kwa mjeledi wa maangamizo yako na Uniepushie mbali na mambo yote yawezayo kunitumbukiza katika hasira zako, (nakuomba Unitakabalie maombi yangu haya) kwa Ukarimu wako na Baraka zako Ewe Mwombwa.

7. Ee Mwenyezi Mungu! Niwezeshe na Unipe Nguvu za kufunga (mwezi huu wa Ramadhani wote) na kusimama kwa ibada (zinginezo kama sala n.k.) na Uniepushe na matelezo mbali mbali na madhambi katika mwezi huu, Unidumishe na kukutaja kwa uongozi wako Ewe Mwongozaji wa waliopotea.

8. Ee Mwenyezi Mungu! Niruzuku katika mwezi huu (ili niweze) kuwasaidia mayatima, niwalishe vyakula, pia nijaalie niweze kuwasalimia (Waislamu wote) kila nikutanapo nao, Unijaalie kuhusubiana na watukufu (uwapendao) kwa utajiri wako Ewe Makimbilio wa wahitaji.

9. Ee Mola wangu! nijaalie katika mwezi huu nilipate fungu la rehema zako pana, Uniongoze katika mwezi huu kwenye mwanga wako unaong'ara, na Uniongoze moja kwa moja kwenye radhi yako yenye kukusanya mahaba yako (yaani mambo yote Unayoyapenda na kuyaridhia) Ewe Karim.

10. Ee Mwenyezi Mungu! Nijaalie katika mwezi huu niwe mwenye kukutegemea, pia Unijaalie miongoni mwa watakaofuzu kwako, pia nijaalie katika mwezi huu niwe miongoni mwa watakaokurubishwa kwako kwa Wema wako Ewe mpaji wa wanaoomba.

11. Ee Mwenyezi Mungu! Nijaalie nipende sana kutenda mema katika mwezi huu, na Unichukizishe katika mwezi huu kutenda maovu na uasi. Unikingie katika mwezi huu hasira zako na moto kutokana na msaada wako Ewe Mnusuru wa wanaotaka kunusuriwa.

12. Ee Mwenyezi Mungu! Nipambe katika mwezi huu wa Ramadhani kwa sitara yaani (vazi) la kukuogopa, na Unisitiri katika mwezi huu kwa vazi la kukinai na kutosheka, na Unielekeze katika mwezi huu kwenye uadilifu na usawa. Na Unisalimishe katika mwezi huu na kila nikiogopacho kwa kinga yako Ewe Mhifadhi wa wenye kuogopa.

13. Ee Mwenyezi Mungu! Nitakase nitokamane na taka na uchafu (mwengine), Unipe subira (ili nisubiri) katika mwezi huu juu ya matukio ya Kudira zako, Uniwafikie kwenye kukucha (kukuogopa) na kusuhubiana na wema, kwa msaada wako Ewe Kiburudisho (kitulizo) cha macho ya walio maskini.

14. Ee Mwenyezi Mungu! Usinihukumu/kunilaumu kwa makosa, katika mwezi huu, Uniepushe na kunipunguzisha na makosa na matelezo, na wala Usinifanye lengo la balaa na maafa katika mwezi huu, Kwa Utukufu wako Ewe Utukufu wa Waislamu.

15. Ee Mwenyezi Mungu! Niruzuku utiifu wa wenye kunyenyekea katika mwezi huu, na Unikunjue kifua changu katika mwezi huu kwa toba za wenye kunyenyekea kwa Amani yako ewe Amani ya wenye kuogopa.

16. Ee Mwenyezi Mungu! Niwafikie katika mwezi huu kwa kusikizana na watu wema, na Uniepushe katika mwezi huu kurafikiana na wabaya, Uniweke kwa Rehema yako kwenye Nyumba ya Utulivu kwa Utukufu wako Ee Bwana Mwabudiwa wa viumbe.

17. Ee Mwenyezi Mungu! Niongoze katika mwezi huu kwenye amali njema, Unitekelezee katika mwezi huu haja zangu na mataraji yangu, Ewe Usiyehitaji ufasiri na kuuliza (ndipo ukaifahamu haja ya mja, bali Unaifahamu hata bila ya kuuliza na bila kuelezwa). Ewe Mjuzi wa yalioyomo vifuani (nyoyoni) mwa walimwengu! Mteremshie rehema na amani (Mtume) Mohammad (s.a.w.) na Aali zake watakatifu.

18. Ee Mwenyezi Mungu! Nizindushe katika mwezi huu ili nipate baraka za masiku yake, Uninawirishe moyo wangu kwa mwangaza wa nuru zake (Nuru za mwezi huu wa Ramadhani) Uvishike viungo vyangu vyote viwe ni vyenye kufuata nyayo zake, kwa Nuru yako ewe Mwangaza wa nyoyo za wakujuao.

19. Ee Mwenyezi Mungu! Niongezee fungu langu la baraka za mwezi huu, na Unisahilishie njia ya kuyafikia mema ya mwezi huu, wala Usininyime kukubaliwa mema, Ewe Aongozaye kwenye haki iliyo wazi.

20. Ee Mwenyezi Mungu! Nifungulie milango ya peponi (ili niingie kwa haraka), na Unifungie milango ya moto (ili nisipate kuingia humo) Uniwafikie kuisoma Qur'ani kwa wingi sana katika mwezi huu, Ee Mwenye kutia utulivu nyoyoni mwa wenye kuamini.

21. Ee Mwenyezi Mungu! Nioneshe njia ya kuifikia Radhi yako, wala Usimpe Shetani nafasi ya kunihangaisha katika mwezi huu. Uijaalie Pepo iwe ndiyo mashukio yangu na mapumziko. Ewe Mwenye kuzitekeleza haja za wakuombao.

22. Ee Mwenyezi Mungu! Nifungulie katika mwezi huu milango ya fadhila zako, na Uniteremshie katika mwezi huu baraka zako Uniwafikie katika mwezi huu niyatende yanifikishayo kwenye Radhi yako, Uniweke katika pepo yako uipendayo ewe Mwitika wa maombi ya wenye dhiki.

23. Ee Mwenyezi Mungu! Nisafishe katika mwezi huu ili nitokamane na madhambi, Unitakase na aibu (zote) Uuonjeshe moyo wangu Taqwa ya nyoyo (za wanaokuogopa) Ewe Msamehevu wa matelezo ya wenye dhambi.

24. Ee Mwenyezi Mungu! Ninakuomba katika mwezi huu (Unijaalie niyatende) yanayokuridhisha. Na ninajilinda kwako na yanayokuudhi. Na ninakuomba kuniwafikia katika mwezi huu nikutii pasina kukuasi, Ee mpaji wa wakuombao.

25. Ee Mwenyezi Mungu! Nijaalie katika mwezi huu niwe mwenye kuwapenda watu wako (uwapendao) na unijaalie niwe mwenye kutenda Sunna za Mtume wako wa mwisho (Muhammad (s.a.w.)). Ewe Mwenye kuzitakasa nyoyo za Mitume.

26. Ee Mwenyezi Mungu! Ujaalie mwendo wangu (yaani juhudi zangu na bidii) uwe ni wenye kushukuriwa, yaani kulipwa mema, na dhambi zangu ziwe zenye kusamehewa, amali zangu ziwe zenye kusitiriwa, Ee Msikiaji zaidi wa wanaosikia.

27. Ee Mwenyezi Mungu! Niruzuku katika mwezi huu fadhila za usiku wa Laylatul Qadri, Uyageuze mambo yangu yaliyo mazito ili yawe mepesi. Uzikubali nyudhuru zangu, Uniepushe (na Unifutie) madhambi na makosa (mengine) Ee mpole kwa waja wema.

28. Ee Mwenyezi Mungu! Niongezee fungu langu la mwezi huu kutokamana na nyongeza, unikirimu katika mwezi huu niyakinishe maombi. Njia zangu za kukufikia ziwe karibu miongoni mwa njia. Ee Usiyeshughulishwa na mahimizo ya wahimizao.

29. Ee Mwenyezi Mungu! Nifunike katika mwezi huu kwa rehema, Uniruzuku uongofu na kulinda na machafu, Utahirishe moyo wangu usiingiwe na giza la shaka Ewe Mrehemevu wa waja wako walio wema.

30. Ee Mwenyezi Mungu! Ijaalie Saumu yangu niliyoifunga mwezi huu wote iwe ni sahihi yenye kukubaliwa (iwe yenye kufungamana) na Uyaridhiayo na ayaridhiayo Mtume (s.a.w.) (Ijaalie Saumu yangu) iwe madhubuti ya shina na matawi kwa haqqi ya Bwana wetu Muhammad (s.a.w.) na kizazi chake walio watakatifu Wal Hamdu Lilahi Rabbil Aalamiin.

</div>
</div>
</div>

Dua Za Kila Siku

Dua na Ziyara

&nbsp;

HADITHI HII INA WAHUSU WANAZUONI WA AHLUBAITI RASUL AS PEKEE AMBAO NI MA'ASUMU
<p dir="RTL">بحث "العلماء ورثة الانبياء<span dir="LTR">"</span></p>
Utafiti kuhusu hadithi ya Wanazuoni ni warithi wa Mitume".
<p dir="RTL">قال سبحانه ((إنما يخشى الله من عباده العلماء))</p>
Mwenyezi Mungu Mtukufu anasema: Hakika Wanaomuogopa Mwenyezi Mungu zaidi katika waja wake ni Wanazuoni.
<p dir="RTL">فمن الواضح انه ليس كلما ذكرت الروايات كلمة ( العلماء ) فالمقصود بها عامة العلماء بل أكثر الروايات التي تتطرق إلى مدح العلماء وعلو منزلتهم وأنهم أفضل البشر بعد الأنبياء، فالمقصود من هكذا روايات هم علماء آل محمد وهم الأئمة المعصومين (ع) وهم الراسخون في العلم المذكورين في الاية (لَكِنِ الرَّاسِخُونَ فِي الْعِلْمِ مِنْهُمْ وَالْمُؤْمِنُونَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَالْمُقِيمِينَ الصَّلاةَ وَالْمُؤْتُونَ الزَّكَاةَ وَالْمُؤْمِنُونَ بِاللَّهِ وَالْيَوْمِ الْآخِرِ أُولَئِكَ سَنُؤْتِيهِمْ أَجْراً عَظِيماً) (النساء:162</p>
Kwa uwazi kabisa siyo kila linapotajwa neno" "Wanazuoni" basi makusudio yake eti ni kwa Wanazuoni wote, (Hapana) Bali riwaya nyingi ambazo zinapelekea kuwasifu Wanazuoni na daraja lao la juu na hakika wao wanakuwa ni wabora wa viumbe baada ya Mitume, makusudio ya riwaya hizo ni Wanazuoni wa Kizazi cha Mtukufu Mtume Muhammad saww na hao ndiyo Maimamu watakatifu waliohifadhiwa as na wao ndiyo hasa wanaitwa waliozama katika elimu waliotajwa katika Qur-ani Tukufu:

Lakini waliozama katika elimu miongoni mwao na Walioamini yale yaliyoteremshwa kwako na yaliyoteremshwa kabla yako wenye kudumu na kuswali wenye kutoa zaka na wanaomuamini Mwenyezi Mungu na siku ya Kiyamah, hao tutawalipa malipo makubwa.4:162
<p dir="RTL">ومن البديهي انه لا يعقل أن يكون فقيه غير معصوم قابل للخطأ والانحراف أفضل من نبي من أنبياء بني إسرائيل (ع) كنبي الله موسى (ع) أو نبي الله عيسى (ع) روح الله ، فمهما بلغ الإنسان من الكمال دون العصمة لا يفضل على الذي يمتلك</p>
Kwa ujumla haiwezi kuingia akilini kuwa mwanazuoni asiyekuwa Ma'asumu anayefanya madhambi na kugeuza mambo ya haramu kuwa ya halali eti awe mbora zaidi ya Mtume miongoni mwa Mitume wa Bani Israel as kama vile Nabii wa Mwenyezi Mungu Musa as au Nabii wa Mwenyezi Mungu Isa as Roho ya Mwenyezi Mungu, vyovyote vile Mwanadamu atakavyoufikia ukamilifu hawezi kumzidi yule ambaye anaumiliki ubora huo (kutoka kwa Mwenyezi Mungu Mtukufu.
<p dir="RTL">وعن الصادق (ع) ( إن علياً كان عالماً وإن العلم يتوارث و لن يهلك عالم إلا بقي من بعده من يعلم مثل علمه أوما شاء الله )) الكافي ج : 1 ص248.</p>
Kutoka kwa Imamu Ja'afar Swadiq as anasema: Hakika Ally Bin Abi Twalib as alikuwa ni mwanazuoni (mkubwa) na Hakika elimu hurithiwa na katu hatoangamia mwanazuoni isipokuwa atakuwa amebaki baada yake anayejua mfano wake au kwa namna atakavyo Mwenyezi Mungu Mtukufu.
<p dir="RTL">ومعنى الحديث إن الإمام علي (ع) هو وارث رسول الله وذريته من بعده هم العلماء يرث بعضهم الأخر (ع) حتى انتهت الوراثة إلى مولانا صاحب العصر والزمان الإمام الحجة بن الحسن (مكن الله له في الأرض) فهو وارث الأنبياء والمرسلين (ع) لا فلان ولا اشباهم كما يدعون.</p>
&nbsp;

Maana ya hadithi hii ni kwamba: Hakika Imamu Ally as ndiye mrithi wa Mtukufu Mtume Muhammad saww, na kizazi chake kitukufu kilicho kuja baada yake wao ndiyo Wanazuoni waliorithi baadhi yao kuwarithi wengine hadi urithi huo ukakomea kwa Maulana Swahibu Zamani Imamu Hujja wa Mwenyezi Mungu Muhammad bin Hassani (Mwenyezi Mungu ampe umakini katika dunia) yeye ndiye mrithi wa Mitume Ambiyaa na Mitume mursalina as, siyo fulani wala mfano wao kama watu wengi wanavyodai.

&nbsp;
<p dir="RTL">ومن كلام للإمام الرضا ع مع أحد أصحابه نأخذ منه مقدار الحاجة (( ... أفتدري من السفهاء؟ فقلت : لا يا ابن رسول الله . فقال: هم قصاص من مخالفينا و تدري من العلماء؟ فقلت :لا يا ابن رسول الله. قال: فقال: هم علماء آل محمد (ع) الذين فرض الله عز و جل طاعتهم و أوجب مودتهم))) ... )) معاني الأخبار ص 180<span dir="LTR">))</span>.</p>
Na katika maneno ya Imamu Ally Ridhaa as akiwa pamoja na mmoja wa Maswahaba wake tuchukue maneno Sehemu tu kwa kadir ya mahitaji.

.....Swahaba wa Imamu Ridhaa anasema niliulizwa swali na Imamu Ally Ridhaa as akasema Je unawajua wapumbavu? Swahaba akasema nikasema: Hapana Ewe mtoto wa Mtukufu Mtume saww,. Imamu Ally Ridhaa as akasema: Ni wale wanaolipiza kisasi katika watu wanaotupinga. Imamu Ally Ridhaa as akasema:  Je unawajua Wanazuoni? Swahaba akasema nikasema: Hapana Ewe mtoto wa Mtukufu Mtume saww. Imamu Ally Ridhaa as akasema: Wanazuoni ni kizazi cha Mtukufu Mtume Muhammad saww ambao Mwenyezi Mungu Mtukufu amefaradhisha kuwatii wao na akawajibisha kuwapenda.

&nbsp;

REJEA:
<ol>
 	<li>Alkaafiy Jz 1 UK 248</li>
 	<li>Maanil Akhbari UK 180</li>
</ol>
Vilevile ukisoma vitabu hivi hapa chini utapata ufafanuzi zaidi ������������������
<p dir="RTL">عن المحقق الخوئي في مصباح الفقاهة ج3 ص289 ،</p>
Miswubahul Fiqaahat Jz 3 UK 289
<p dir="RTL">وقال أيضاً في كتاب الصوم ج2 :</p>
Kitabu saumu Jz 2

&nbsp;
<p dir="RTL">وعن محمد سعيد الحكيم في كتابه مصباح المنهاج -التقليد-ص199</p>
Kitabu Maswabihul Minhajit Taqlid UK 199

&nbsp;
<p dir="RTL">وعن السيد أحمد الخونساري في كتابه منية الطالب ج2ص232<span dir="LTR"> -</span></p>
Kitabu Miswubahul Maniyat Twalib Jz 2 UK 232
<p dir="RTL">الشيخ محمد حسين الأصفهاني في حاشيته على المكاسب ج2 ص385</p>
Katika Hashiyatu Alal Makasibi Jz 2 UK 385

WANAZUONI NI WARITHI WA MITUME:"

Ali ibn Hussein bin Ali bin Abi Talib, anayejulikana kama Imamu Sajjad na Zaynul-Abidin (38-95 AH), Imamu wa nne wa Mashia. Uimamu wake ulidumu miaka 34. Imam Sajjad (AS) alikuwepo kwenye tukio la Karbala; Lakini kwa sababu ya ugonjwa, hakushiriki katika vita. Baada ya kuuawa shahidi Imam Hussein (AS), jeshi la Umar ibn Sa'd lilimpeleka Kufa na Sham pamoja na wafungwa wa Karbala. Khutba ya Imam Sajjad katika Mji wa Sham iliwafahamisha watu juu ya msimamo wa Ahlul-Bayt.

&nbsp;

Tukio la Hara, harakati ya Tawabin na Thaura ya Mukhtar vilifanyika wakati wa Imam Sajjad (AS). Mkusanyiko wa Dua za Imam Sajjad (AS) zimekusanywa katika kitabu cha Sahifa Sajjadih. Risatul-Huquq inayojumuisha haki 50 za Mungu na watumishi wake, watu na watawala, wazazi na watoto, majirani n.k ni moja wapo ya Athari zake.

&nbsp;

Kwa mujibu wa riwaya za Kishia, Imam Sajjad (AS) aliuawa kishahidi kwa sumu kwa amri ya Walid bin Abdul Mulk. Kaburi lake liko katika makaburi ya Baq’i karibu na makaburi ya Imam Hassan Mujtaba (AS), Imam Mohammad Baqir (AS) na Imam Jafar Swadiq(AS).

&nbsp;

Imam Sajjad (AS) alikuwa na fadhila nyingi. Kama vile ibada na kusaidia maskini . Imam pia alikuwa na cheo kikubwa miongoni mwa Masunni na walisifu elimu yake, ibada na uchamungu wake.

<strong>Laqabu zake</strong>

Laqabu zake ni Abu al-Hasan, Abu al-Hussein, Abu Muhammad, Abu Bakr, Abu Abdullah, Zayn al-Abidin, Sajjad, Zaki, na Dhul-Thafnat (mtu ambaye sijda yake inaonekana kwa sababu ya wingi wa sijda), ambayo inaonyesha maisha yake ya Zuhud/kujinyima raha huko Madina.

<strong> </strong>

<strong>Kuzaliwa</strong>

Ali ibn Hussein alizaliwa Madina. Vyanzo vingi vinaeleza kuwa alizaliwa mwaka wa 38 Hijiria; Lakini vyanzo vingine pia vinataja miaka 33, 36, 37 na 50. Aliishi miaka miwili wakati wa Uimamu wa Ali, miaka 10 wakati wa Uimamu wa Hassan Ibn Ali (Imam wa pili wa Mashia) na miaka kumi na moja wakati wa Uimamu wa Ali. baba yake Hussein Ibn Ali. Inasemekana kwamba mama yake alikuwa Shahrbanoo, binti ya Yazgard, mfalme wa mwisho wa Sassani. Kwa mujibu wa baadhi ya riwaya, mama yake aliletwa Madina akiwa mfungwa wakati wa ukhalifa, na Umar alitaka kumuuza, lakini Ali alijitolea kumwomba amchague mume wake kipenzi kutoka miongoni mwa vijana wa Kiislamu na kutoa vifaa vyake kwenye hazina. Omar alikubali ombi hilo na Shahrbanoo akamchagua Hussein mtoto wa Ali.

&nbsp;

Ali bin Hussein Zainul-Abidin (a.s)

&nbsp;

Hussein Ibn Ali Ibn Abi Talib (AS) (4 AH-61 AH), ambaye pia anaitwa miongoni mwa Mashia wa Imam Hussein (AS), Aba Abdillah na Sayyid al-Shuhada, ni Imamu wa tatu wa Mashia ambaye aliuawa shahidi katika tukio la Ashura. Ni mtoto wa pili wa Imam Ali (AS) na Fatemeh Zahra (AS) na mjukuu wa Mtume Mohammad (AS). Baada ya kaka yake, Imam Hassan (AS) alikuwa na dhamana ya kuwaongoza Mashia kwa takriban miaka kumi na moja.

&nbsp;

Kwa mujibu wa riwaya za kihistoria za Shia na Sunni, Mtume wa Uislamu (SAW) alitangaza kuuawa kwake kishahidi wakati wa kuzaliwa kwake na akamchagulia jina la "Hussein". Mtume wa Mwenyezi Mungu (SAW) alimpenda sana Hasan (Imam Hassan na Imam Hussein) na akapendekeza kila mtu awapende. Imam Husein (AS) ni mmoja wa watu wa Kisaa na mmoja wa waliokuwepo katika tukio la Mubahala na ni mmoja wa familia ya Mtume ambaye imeteremshwa juu yake aya ya utakaso. Riwaya nyingi zimepokelewa kutoka kwa Mtume Muhammad (SAW) juu ya fadhila za Imam Hussein (AS); Miongoni mwa mambo mengine, "Hassan na Hussein ni mabwana wa vijana wa Peponi" na "Husein ndiye taa na jahazi la wokovu."

&nbsp;

Kuna ripoti chache kuhusu maisha ya Imam wa tatu wa Kishia katika miongo mitatu baada ya kifo cha Mtume (SAW). Alikuwa na baba yake wakati wa ukhalifa wa Imam Ali (AS) na alishiriki katika vita vya kipindi hicho. Wakati wa Uimamu wa Imam Hassan (AS), alikuwa mfuasi na msaidizi wake na alithibitisha jaribio la kufanya amani na Mu'awiyah. Baada ya kifo chake cha kishahidi, Mu’awiyah aliendelea kuwa mwaminifu kwa mapatano ya kaka yake muda wote alipokuwa hai, na katika kujibu barua kutoka kwa baadhi ya Mashia wa Kufa ambao walitangaza utayari wao wa kuukubali uongozi wake na kuwaasi Banii Umaiyya, aliwataka wasubiri. mpaka kifo cha Mu'awiyah.

&nbsp;

Kipindi cha Uimamu wa Hussein ibn Ali (AS) kiliambatana na utawala wa Mu'awiyah ibn Abi Sufyan. Kwa mujibu wa ripoti za kihistoria, Imam Hussein (AS) katika baadhi ya matukio amepinga vikali vitendo vya Mu'awiyah; Kwa mfano, baada ya kuuawa Hujr ibn Uday, alimwandikia barua ya karipio na katika suala la Uongozi wa Yazid baada ya Mu’awiyah, alikataa kukubali utii. Khutba ya Imam Hussein huko Mina pia inachukuliwa kuwa ni msimamo wa kisiasa dhidi ya Bani Umayya. Hata hivyo, imesimuliwa kwamba Mu’awiyah, kama makhalifa watatu, alimheshimu Husein ibn Ali (as) kwa sura.

&nbsp;

Baada ya kifo cha Mu’awiyah, Imam Husein (AS) hakuona kiapo cha Utii kwa Yazid kuwa ni halali, na kwa mujibu wa amri ya Yazid ni kumuua kama angekataa kuweka kiapo cha utii, aliondoka Madina kwenda Makka tarehe 28 Rajab 60 Hijiria. Wakati wa kukaa kwake kwa miezi minne huko Makka, alipokea barua nyingi kutoka kwa watu wa Kufa wakikubali utawala wake, na baada ya mjumbe wake, Muslim ibn Aqeel, kuthibitisha ukweli wa Barua za  watu wa Kufa, tarehe 8 Dhu al-Hijjah, kabla ya kujua Uvunjaji wa ahadi uliofuata wa watu wa Kufa na kifo cha kishahidi cha Muslim, alielekea Kufa.

&nbsp;

Wakati Ibn Ziad, liwali wa Kufa, alipojua kuhusu harakati za Husein kuelekea Kufa, alituma jeshi kwake, na baada ya askari wa Hurr ibn Yazid kuziba njia yake, hakuwa na la kufanya ila kubadili njia yake ya kuelekea Karbala. Katika siku ya Ashura, vita vilizuka kati ya Imam Hussein na masahaba zake pamoja na jeshi la Kufa chini ya uongozi wa Umar ibn Sa'd, ambavyo vilipelekea kuuawa shahidi Imam wa tatu wa Mashia na masahaba zake. Baada ya hapo, wanawake na watoto na Imam Sajjad (AS), ambaye alikuwa mgonjwa siku hizo, walichukuliwa mateka na kupelekwa Kufa na kisha Sham. Mwili wa Imam Hussein (AS) na masahaba zake ulizikwa huko Karbala tarehe 11 au 13 Muharram na baadhi ya watu wa kabila la Bani Assad.

&nbsp;

Kuna mitazamo tofauti kuhusu harakati ya Imam Hussein kutoka Madina kwenda Karbala. Kulingana na moja wapo ya maoni ni kwamba  alitaka kuunda serikali, lakini wengine wanaamini ilikuwa kuokoa maisha. Kuuawa shahidi Husein ibn Ali (AS) kumekuwa na taathira kubwa kwa Waislamu na Mashia katika kipindi chote cha historia na kumechochea mapambano na maasi. Wakiwafuata Maimamu wa Kishia, Mashia wanazingatia makhsusi katika kumuomboleza Hussein bin Ali, hususan katika mwezi wa Muharram na Safar.Ziyara ya Imam Husein pia inasisitizwa katika riwaya za maasumin na kaburi lake ni sehemu ya Ziyara ya  Mashia.

&nbsp;

Husein Ibn Ali (AS) pamoja na cheo chake miongoni mwa Mashia kama Imamu wa tatu na bwana wa mashahidi, pia anaenziwa na Masunni kwa wema ambao wamepokewa kuhusu yeye kutoka kwa Mtume (SAW) na pia kwa upinzani wake. dhidi ya Yazid.

&nbsp;

Mkusanyiko wa hotuba na kazi za Imam Hussein, katika mfumo wa hadithi, dua, barua, mashairi na khutba imeandikwa katika kitabu cha ensaiklopidia ya maneno ya Imam Hussein na kitabu cha Musnad cha Imam al-Shahid.

Imam Hussein (a.s)

Muhammad bin Hassan (a.j) (aliyezaliwa 255 AH), anayejulikana kwa vyeo kama vile Imam Mahdi, Imam al-Zaman na Hujjat ibn al-Hassan, ni Imamu wa kumi na mbili na wa mwisho wa Maimamu wa Kishia ambaye Uimamu wake ulianza baada ya kifo cha Imam Hassan. Askari (as) mwaka wa 260 Hijiria na utaendelea mpaka baada ya kudhihiri kwake katika zama za mwisho. Kwa mujibu wa Mashia, yeye ndiye Mahdi aliyeahidiwa ambaye atatokea baada ya muda mrefu wa kutokuwepo.

&nbsp;

Kwa mujibu wa vyanzo vya Shia, serikali ya Bani Abbas katika Uimamu wa Imam Hassan Askari (a.s) ilitaka kumtafuta mtoto wake wa kiume kama Mahdi na mrithi wa baba, na kwa hivyo kuzaliwa kwa Imam Zaman kulifanywa kuwa siri na  isipokuwa masahaba wachache maalum wa Imam wa 11 wa Kishia, hakuna ambaye alijua. Kwa ajili hiyo, baada ya kifo cha Imam Askari (AS), Mashia wengi walitilia shaka na kuibuka madhehebu katika jamii ya Shia na kundi la Mashia likamfuata Jafar Kadhab, ami yake Imam Zaman. Katika mazingira haya, maagizo ya Imam al-Zaman, ambayo kwa ujumla yalielekezwa kwa Mashia na kufikishwa kwa watu na manaibu maalum, yalipelekea kuanzishwa tena kwa Ushia; Kiasi kwamba katika karne ya nne Hijria, kati ya madhehebu yaliyokuwa yamefarakana kutoka kwa Mashia baada ya Imamu wa Kumi na Moja, ni Mashia wa madhehebu ya Maimamu Kumi na Wawili pekee waliobaki.

&nbsp;

Baada ya kifo cha baba yake, Imam al-Zaman alikuwa katika Ghaiba ndogo na wakati huu alikuwa akiwasiliana na Mashia kupitia manaibu maalum wanne. Kwa mwanzo wa Ghaiba kubwa 329 Hijria, uhusiano wa watu na Imam al-Zaman (a.j) kupitia manaibu maalum pia uliisha. Kwa mujibu wa Mashia, Mahdi (a.j) yu hai mpaka atokee pamoja na Isa (as). Wanachuoni wa Kishia wametoa maelezo kuhusu sababu na maelezo ya maisha marefu ya Imam al-Zaman.

&nbsp;

Kwa mujibu wa Mashia, Imamu wa Kumi na Mbili atatokea mwishoni mwa wakati na pamoja na masahaba wake watasimamisha serikali ya ulimwengu na kuijaza dunia iliyojaa dhulma kwa uadilifu. Katika riwaya za Kiislamu, nasaha za Waislamu za kumngoja Mwokozi zimesisitizwa sana na Mashia wanazichukulia riwaya hizi kuwa ni za kusubiri ujio wa Imam al-Zaman.

&nbsp;

Wafasiri wa Kishia, kwa kutegemea riwaya za maasum, wamezingatia baadhi ya aya za Qur'ani Tukufu kuwa zinamrejelea Imam wa Zama. Riwaya nyingi zimepokewa kuhusu Imam al-Zaman, maisha na Ghaiba yake, na utawala wake, na vitabu vingi vya hadithi vimeandikwa kwa lengo la kuelezea riwaya hizi. Mbali na vitabu vya Hadith, kazi nyingi zilizoandikwa na za uchambuzi zimeandikwa kuhusu Imam al-Zaman.

&nbsp;

Kulingana na vyanzo  vya Sunni, mtu anayeitwa Mahdi anahesabiwa kuwa mwokozi wa apocalypse na anahesabiwa kuwa ni kizazi cha Mtume (SAW), lakini wengi wao bado wanaamini kwamba atazaliwa katika zama za mwisho. Wakati huo huo, baadhi ya wanachuoni wa Kisunni, kama vile Sibt Ibn Jozi na Ibn Talha Shafi'i, kama Mashia, wanaamini kwamba Mahdi Aliyeahidiwa ni mtoto wa Imam Hassan Askari.

&nbsp;

Dua na dhikr nyingi zimesimuliwa kuwasiliana na Imam wa Zama wakati wa Ghaiba; Kama vile dua ya ahadi, dua ya Nudbah, ziyara ya Al-Ayasin na sala ya Imam al-Zaman. Kwa mujibu wa baadhi ya hadithi, kukutana na Imam wa Zama katika wakati wa Ghaiba pia kunawezekana, na baadhi ya wanachuoni wa Kishia wametaja hadithi katika vitabu vyao kuhusu baadhi ya watu kukutana naye. Maeneo mengi katika sehemu mbalimbali yanahusishwa na Imam wa zama, Ikiwa ni pamoja na Samarra, Msikiti wa Sahalah huko Kufa na Msikiti wa Jamkaran huko Qom.

Imam Mahdi (a.j)

Matukio ya Kiislamu

<header class="node-header-book">
<h2><span style="font-size: 16px;">Sisi kama Waislamu, hatufuati amri yeyote ile ila sharti iwe imenasiwa katika Qur'ani ama katika Hadithi tukufu za Mtume wetu (s.a.w.)</span></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Saumu katika Qur'ani imetajwa kutoka Aya ya 183 ya Sura ya pili 'Albaqarah' hadi Aya ya 187 ya Sura hiyo hiyo.

Na Mwenyezi Mungu ametufunza kama ifuatavyo:
"Enyi mlioamini, mmelazimishwa kufunga Saumu kama walivyolazimishwa wa kabla yenu ili mpate kumcha Mwenyezi Mungu."

"Ni siku chache tu (zinazohesabiwa) lakini miongoni mwenu awaye mgonjwa au katika safari, basi atimize hesabu katika siku zingine. Na wale wanaoweza, watoe fidia kwa kumlisha masikini. Na atakayefanya wema kwa radhi ya nafsi yake basi ni bora kwake, na mkifunga ni bora kwenu mkiwa mnajua."

"(Mwezi mnaoambiwa kufunga) ni mwezi wa Ramadhani ambao imeteremshwa humo Qur'ani kuwa mwongozo kwa watu na ishara zilizo wazi za mwongozo na kipambanuzi.

“Basi miongoni mwenu atakayeuona mwezi (au atakayekuwa mkazi asiwe msafiri pindi mwezi ufikapo) afunge Saumu na mwenye kuwa mgonjwa au safarini basi atimize hesabu katika siku zingine. Mwenyezi Mungu Huwatakieni mepesi wala Hawatakieni yaliyo mazito, na kamilisheni hesabu na kumtukuza Mwenyezi Mungu kwa kuwaongozeni na ili mpate kumshukuru."

"Na waja wangu watakapokuuliza juu yangu basi hakika Mimi nipo karibu, Nayaitika maombi ya mwombaji anaponiomba, basi waniitikie na waniamini ili wapate kuongoka."

"Mmehalalishiwa usiku wa Saumu kuwaingilia wake zenu (yaani kutangamana nao) wao ni nguo kwenu na nyinyi ni (kama) nguo kwao, Mwenyezi Mungu amejuwa kuwa mlikuwa mkizihini nafsi zenu, kwa hivyo amewakubalieni toba zenu na amewasameheni, basi sasa changanyikeni nao (yaani laleni nao) na takeni aliyowaandikieni Mwenyezi Mungu. Na kuleni, mnyweni mpaka ubainike kwenu uzi mweupe katika uzi mweusi wa Alfajiri, kisha timizeni Saumu mpaka usiku, wala msitangamane nao na hali mnakaa itikafu misikitini. Hiyo ni mipaka ya Mwenyezi Mungu basi msiikaribie. Hivi ndivyo Mwenyezi Mungu anavyobainisha hoja zake kwa watu ili wapate kumcha."

Maneno hayo ufasaha usioweza kukabiliwa na mfasaha yeyote, ndiyo asili na misingi ya Saumu. Yeyote abishanaye au kukaidi Amri tunamjibu na kumlainisha kwa nasaha hiyo.

</div>
</div>
</div>

Saumu Ni Amri Ya Mungu

&nbsp;

SWALI: Kwa mujibu wa aya ya 184 ya Suratul Baqara, mgonjwa amekatazwa kufunga. Maana ya ugonjwa au maumivu ni nini? Je, maumivu ya mguu, mkono na tumbo ndiyo yanayokusudiwa hapa au ni maumivu makali ambayo yanamdhoofisha mtu kama vile shinikizo la damu, kijisukari na vidonda vya tumbo? Shariffa Ismail Mnape, Tehran Iran. JAWABU: Funga imelazimishwa na kuwajibishwa kwa mtu aliye na afya na akili timamu pamoja na kuwa anapaswa kuwa amebaleghe. Pamoja na hayo, dini tikufu ya Kiislamu imewaondolea baadhi ya watu jukumu hilo muhimu kutokana na sababu kadhaa zikiwemo zilizotajwa na msikilizaji wetu, Bi Mnape, yaani ugonjwa au maumivu makubwa. Kwa hakika wagonjwa ambao wana matatizo ya kimwili pia wanajumuishwa katika kundi hilo. Kwa mfano mtu ambaye anahofia kwamba akifunga, maumivu yake yataongezeka au kukumbwa na magonjwa mengine, anaruhusiwa kutofunga. Ni wazi kuwa funga inaweza kuharamishwa kwa mtu kama huyo katika baadhi ya hali au wakati.

Katika upande wa pili magonjwa ambayo hayana uhusiano wowote na funga na wala hayaongezeki kutokana na funga hiyo hayapaswi kumfanya mtu asitekeleze ibada yake ya funga. Kwa hivyo mtu anayekabiliwa na maumivu kama hayo analazimika kufunga wakati wake unapowadia. Kuhusu ni maumivu yapi yanayomdhuru mtu wakati wa funga na ni yapi yasiyomdhuru, ni suala linalopaswa kubainishwa kwa mashauriano na daktari mtaalamu. Hata hivyo uamuzi wa mwisho kuhusiana na suala hilo ni wa mgonjwa mwenyewe. Umuhimu wa suala hili unatokana na ukweli kwamba kuna baadhi ya madaktari wasiozingatia wala kuyapa umuhimu masuala ya kidini na kwa hivyo ni rahisi kwao kupuuza funga na kumwambia mgonjwa asiyeathiriwa sana na funga kutofunga, wakati ni muhimu sana kwake kutekeleza jukumu na ibada hiyo muhimu ya kidini. Kwa hivyo, uamuzi wa mwisho kuhusiana na suala hilo unamhusu mgonjwa mwenyewe, ambaye hata akiwa na wasiwasi na hofi tu kwamba, maumivu makali aliyonayo yataongezeka pindi anapofunga, anaruhusiwa kutofunga katika hali hiyo na kusubiri hadi maumivu hayo yatakapopungua.

Maumivu kama hayo, ni kama yale yanayohusiana na magonjwa kama vile ya kijisukari, shinikizo la damu na maumivu makali ya figo. SWALI: Mtu aliyeshauriwa na daktari kumeza dawa katika vipindi vitatu tofauti vya siku, anapaswa kufunga kwa njia gani? Shariffa Ismail Mnape, Tehran, JK Iran JAWABU: Jibu la swali hili kwa hakika linahusiana na mtazamo wa daktari mwenyewe. Kama daktari huyo anaweza kumruhusu mgonjwa wake kutumia dawa hizo nyakati za usiku au kuakhirisha wakati wa kuzitumia, mgonjwa huyo anapaswa kufuata maelekezo ya daktari na kufunga kama kawaida. Lakini kama daktari atahisi kuwa mgonjwa hawezi kutumia dawa hizo nyakati za usiku kutokana na kuwa jambo hilo linaweza kuathiri mwenendo wa kupona kwake, mgonjwa huwa hana budi ila kutumia dawa hizo nyakati wa mchana na hivyo kutofunga. Funga hiyo inapaswa kuakhirishwa hadi wakati mwingine anapopata nafuu. Anapaswa kulipa siku ambazo hakufanikiwa kufunga ndani ya mwezi wa Ramadhani nje ya mwezi huo mtukufu.

SWALI: Msafiri halazimiki kufunga. Sasa watu kama vile madereva wanaosafiri kila siku kati ya miji mbalimbali wanapaswa kufanya nini katika hali kama hii? -Shariffa Ismail Mnape, Tehran, JK Iran. JAWABU: Wanazuoni wengi wanaamini kwamba watu ambao shughuli yao ni kusafiri kama vile madereva, wanapaswa kufunga na hakuna tatizo lolote kuhusiana na suala hilo.

SWALI: Huko kwetu Tanzania kuna sala iitwayo Taraweheh ambayo ni mashuhuri sana na husaliwa baada ya sala la Ishaa katika mwezi huu mtukufu. Tokea nije nchini Iran sijawahi kushuhudia au hata kusikia watu wakiizungumzia sala hii hapa nchini. Jambo hilo limenipelekea nijiulize swali hili kuwa, je, ni kwa nini sala hii haizingatiwi na jamii ya Wairani? Je, ibada hii si ya Waislamu wote? Shariffa Ismail Mnape, Tehran JK Iran. JAWABU: Kama unavyojua Bi Mnape, kuna ibada nyingi sana za sunna ambazo zinapaswa kutekelzwa na Waislamu na hasa katika mwezi mtukufu wa Ramadhani. Sala na ibada kama hizo ambazo si za wajibu zina baraka nyingi na humpelekea mja kusamehewa na kupata maghfira kutoka kwa Muumba wake. Sala zote za sunna zinapaswa kuwa zimethibitishwa na Bwana Mtume (SAW). Kutokana na kuwa sala hii ya Taraweheh haijaashiriwa popote katika vitabu vya Kishia kuwa ilikuwa ni mojawapo ya sala za sunna za Mtume, au kuwa alishauri sala hii isaliwe na Waislamu kama sala ya nafila au mustahab, sala hii haifahamiki sana kati ya jamii ya Wairani.

SWALI: Ni kwa nini Beitul Muqaddas imegawanywa katika sehemu mbili za Mashariki na Magharibi? -Philip K. Chepkwony, Eldoret, Kenya.

JAWABU: Kabla ya kujibu swali hili ni vyema tuashirie hapa kwamba Beitul Muqaddas nzima ni mojawapo ya sehemu za ardhi ya Wapalestina ilitotekwa na kukaliwa kwa mabavu na utawala haramu wa Kizayuni wa Israel mwaka 1948 kufuatia kutangazwa rasmi kuundwa kwa utawala huo mwezi Mei 1948. Kufuatia kutekwa kwa ardhi za Wapalestina na utawala huo wa kigaidi majeshi ya nchi za Kiarabu yalichukua uamuzi wa kupambana kijeshi na utawala huo na kufanikiwa kuzikomboa baadhi ya ardhi hizo mwanzoni mwa vita hivyo. Miongoni mwa ardhi hizo zilizokombolewa ni pamoja na Ukingo wa Magharibi wa Mto Jordan, Ukanda wa Gaza na Beitul Muqaddas ya Mashariki. Kwa hivyo utawala wa Kizayuni wa Israel uliendelea kuikalia Beitul Muqadds ya Magharibi na ya Mashariki kupewa Jordan ambayo ilipewa jukumu la kuwarejeshea Wapelstina sehemu hiyo ya Beitul Muqaddas mara tu baada ya kujulikana mustakbali wa Wapalestina. Tokea mwaka 1948 hadi 1967, Israel ilifanya mabadiliko makubwa katika muundo wa kijografia, kijamii na kisiasa wa Beitul Muqaddas Magharibi. Iliharibu nembo na alama zote za Wapalestina katika eneo hilo ikiwa ni pamoja na kuharibu namna ya ujenzi wa nyumba, mabarabara na majina yake, kuwafukuza Wapalestina katika eneo hilo na kuzihamishia huko wizara zote za utawala huo ghasibu yakiwemo makao makuu ya Waziri Mkuu.

Baada ya muda mfupi, muundo wa eneo hilo lote la Magharibi uligeuka na kuwa wa Kizayuni na Kiyahudi. Hata bbada ya hatua hiyo ilikuwa wazi kwamba utawala ghasibu wa Israel ilikuwa na nia ya kuiteka sehemu ya Waarabu ya Beitul Muqaddas. Kwa hivyo mwaka 1967, kufuatia vita mashuhuri vya siku sita kati ya Waarabu na utawala huo wa Kizayuni, jeshi la utawala huo lilivamia na kuiteka sehemu hiyo ya Beitul Muqaddas Mashariki na kuiunganisha na ardhi nyinginezo zilizotekwa za Wapalestina na kutajwa kuwa ni Israel. Kama mnavyojua nyote wapenzi wasikilizaji, sehemu ya Beitul Muqaddas Mashariki ni eneo maalum na takatifu kwa wafuasi wa dini nyingi zote za Mwenyezi Mungu na hasa Waislamu. Katika eneo hilo kuna msikiti wa al-Aqsa ambacho ni Kibla cha kwanza cha Waislamu. Katika eneo hilohilo kuna ukuta wa Nudba au Buraq ambapo Mtume Mtukufu (SAW) alipaa kwenda mbinguni katika usiku wa Miiraaj. Katika eneo hilo pia kuna makanisa ambapo Nabii Isah (AS) alikuwa akipewa mafunzo na Nabii Zakaria na pia kuteremshiwa chakula kutoka mbinguni. Pamoja na kupita miaka 36 ya kutekwa sehemu hiyo ya Beitul Muqaddas Mashariki, lakini hadi sasa utawala ghasibu wa Israel haujafanikiwa kumiliki wala kulidhibiti eneo hilo. Huenda suala hilo linatokana na idadi kubwa ya Wapalestina wanaoishi katika eneo hilo na pia maeneo mengi matakatifu yanayopatikana katika eneo hilo. Kwa hivyo katika kipindi chote hiki cha miaka 36 utawala ghasibu wa Israel umekuwa ukifanya jitihada za kubadilisha taratibu sura halisi ya eneo hilo na kuifanya ionekane kuwa ni ya kizayuni. Kujengwa kwa vitongoji 40 vya Mayahudi katika eneo hilo la Beitul Muqaddas Mashariki na kuhamishia humo zaidi ya Wazayuni laki 1.6 kutoka pembe zote za dunia ni miongoni mwa jitihada hizo.

Pamoja na kutekelezwa njama hizo zote za Wazyuni, kukiwemo kuuchoma moto msikiti wa al-Aqsa, jambo la kuvutia hapa ni kuwa, bado eneo hilo la Mashariki lina utambulisho wake wote wa Kiarabu na Kitaifa. Kuibuka kwa mapambano ya Intifadha tarehe 26 Septemba 2000 ni mfano wa wazi kuhusiana na ukweli huu kwamba pamoja na njama zote ambazo zimekuwa zikifanywa na Wazyuni kwa lengo la kubadilisha sura ya Beitul Muqaddas Mashariki, lakini bado Quds Tukufu itaendelea kuwa eneo na mji mkuu wa taifa la Palestina. SWALI: Kuna tofauti baina ya ukoloni, ubeberu na udhibiti?- Ustadh Muhsin Chalinze, Dar es Salaam, Tanzania JAWABU:Pamoja na kuwa maneno haya yaliyotajwa na msikilizaji wetu huyu hayana tofauti kubwa, lakini hata hivyo hutumika kubainisha vipindi au mbinu zinazotumiwa na wakoloni katika kufikia malengo yao katika nchi mbalimbali za dunia Neno ambalo ni mashuhuri zaidi katika ya maneno hayo matatu ni ukoloni ambalo ni kongwe zaidi kuliko maneno mengine mawili yaliyotajwa. Kimsingi maana ya neno ukoloni au Colonization kwa Kimombo ni kuhajiri kundi kutoka sehemu au nchi moja hadi nyingine kwa lengo la kutafuta makao huko. Lakini inavyoeleweka ni kuwa neno hilo limetumika katika historia ya ukoloni kumaanisha udhibiti na wa kisiasa na kijeshi wa nchi zenye nguvu dhidi ya nchi nyinginezo ambazo dhaifu. Aina hiyo ya udhibiti ilienea sana katika kipindi cha katikati ya karne ya 17 hadi mwishoni mwa karne ya 18.

Lakini neno ukoloni lilipata maana mpya katika karne ya 19 na 20 ambao ukoloni huo ulitajwa kuwa ni ukoloni-mambo leo kutokana na kubadilika kwa sura ya ukoloni wa zamani. Ukoloni-mambo leo ulitumika kumaanisha harakati mpya iliyofanywa na madola makubwa kwa lengo la kutafuta malighafi ya kutumiwa na nchi hizo kutoka katika nchi zilizokuwa zimekoloniwa. Siasa hizo za wakoloni zilipelekea kubadilika kwa mfumo wa kisiasa na kubuniwa serikali vibaraka kwa malengo ya kudhamini maslahi ya wakoloni katika nchi zilizokuwa zimekoloniwa. Jambo hilo liliyapa fursa nzuri madola makubwa kwa ajili ya kupora maliasilizi za nchi dhaifu na hasa barani Afrika, ambapo athari mbaya za suala hilo zingali zinaonekana hadi leo. Pamoja na kupewa uhuru nchi hizo lakini bado zinalazimika kufungamana na kutii amri za wakoloni wao wa zamani ambao walitumia mbinu hatari za kuzifanya nchi hizo ziwe tegemezi hata baada ya kupewa uhuru wa kidhahiri.

Madola makubwa yalitumia mbinu za kiuchumi na kisiasa kuzibana nchi dhaifu zilizokuwa zimekoloniwa. Mbinu hizo za ukoloni katika sura ya masuala ya uchumi na viwanda unajulikana kama Neo-Colonialism au Ukoloni-Mambo Leo. Hali hiyo imezipelekea nchi dhaifu kuendelea kubaki katika hali ya umasikini na kutoendelea kiuchumi na kiufundi. Ibara au neno hilo lilianza kutumiwa sana kufuatia kikao cha Nchi Zisozofungamana na Upande Wowote cha Bandung nchini Indonesia mwaka 1965. Katika kikao hicho Sukarno, Rais wa wakati huo wa Indonesia alilaani vikali siasa hizo za madola makubwa za kuzibana nchi dhaifu kupitia masuala ya uchumi na utamaduni Katika hali ya hivi sasa pia, madola hayo na hasa Marekani yanajaribu kuzitishwa nchi nyinginezo za dunia fikra zake kwa lengo la kuzidhibiti kisiasa, kiuchumi na kiutamaduni nchi hizo.

MWISHO

SUALI KUHUSU FUNGA

Ule mwezi mtukufu wa Ramadhani umetufikia tena Waislam kote ulimwenguni ni kipindi chetu cha kuzidisha Ibada kwani saumu ni tendo la Ucha mungu. Kula na kunywa kuanzia kurubio la kutoka usiku mkubwa kuingia alfajiri hadi kuchwa kwa jua yaani Magharibi. Mbali ya kuzuiliwa huko na kiamsha tumbo na kupooza koo, lakini pia yapo mambo kadhaa ni halali nayo kwa kuadhimisha na kuitikia wito na amri ya Mola nayo yamekatazwa kwa nyakati za mchana na kuidhinishwa yaendelee nyakati za usiku kwa waliostahiki ikiwemo taratibu za wana ndoa . Yale yote yaliyokuwa haramu khasa , nayo uharamu wake unabaki vilevile na kuyatenda katika mwezi huu mtukufu ni dhambi za hali ya juu zaidi na ni jeuri kwa Muumba.
Mwezi huu una siri nyingi kwa wafungao, ikiwemo utengenezaji wa afya zao, maadili yao ya kuishi na utafutaji wao wa ridhiki. Miji na nyumba huwa baridi, magomvi hupungua huruma huzidi na tabia zilizozoweana na baadhi yetu hujikanya sisi wenyewe tuziepuke ili saumu zetu zisibatilike.Pana ucha Mungu huu ambao wenye akili hukimbilia na kuongeza maombi yao kwa M/Mungu , lakini mwezi huu kwa bahati mbaya wapo wanaoupatia faida yake na wapo wataopata khasara muda wote huku wamekaa na njaa ya bure. Kwa kuwa Mola huangalia yale yaliyo nyoyoni mwetu, basi anawajua wale wote wanaomuabudu kwa dhati kwenye ibada hii ya saumu na wale ambao wanawachelea wanaadam kuwanongona. Mola anawatambua pia wale wanaosikitika kwa kufika mwezi huu ambao pato lao la kila siku wanadhani limekosekana kwa mwezi huu kuwa pingamizi kwao.
Basi makundi haya mawili katika tunaojiamini kuwa sisi ni waislamu na waumini kila mmoja ana kundi aliyofungana nalo. Zipo biashara kadhaa za haramu kama pombe, wapo ambao hujiita waislamu wenye kumiliki vilabu au maduka ya bidhaa hiyo, wanahisi mashaka kwani pato kwa upande mmoja limesita na wateja wenyewe ndio hao hao wanaojinasibu na Uislamu kama wao, basi mwezi kama huu kwao ni dhiki tupu, hapa inafaa ieleweke kuwa ikhlasi katika saumu ndio tarajio asisikitike mtu kwa kusita pato hilo ambalo pekee ni haramu tupu. Ni mwezi wakuomba tawba na kumtaka Mola akusamehe kwa kuwanywesha mamia ya waumini kile ambacho Mola alikiharamisha.

Mafungu ya madhambi umejitwika nayo wewe ukiwa ni sababu. Ndio maana jiulize “nnafunga kwa kuwa jamii ya kiislamu isinione muovu kwa muda huu tu, lakini muogope Mola ambae anajua ucha mungu wako kwa kutaka kujitakasa khasa au unakoromea moyoni lini mwezi huu wishe niendelee kuangusha makreti”, basi ukiwa upo huko, ipime mwenyewe saumu yako kama mfungaji ina dalili ya kukubaliwa kama unajisemea “aah.. mimi nna malengo yangu” basi sisi wengine hatujui Mola ndiye anayekufahamu kama unamuogopa au humuogopi ni wewe nay eye. Bila shaka wiki iliyomalizia Mwezi wa shaaban nayo iilitwa wiki ya vunja jungu, vunja jungu hili pengine wazee wetu walilengea kufunga mapishi nyakati za mchana au vinginevyo, lakini baadhi tukawa na maana isiyo stahiki, tulidhani tunamkomoa Mola kumbe tukizikomoa nafsi zetu, tulitenda maasi mengi na kufurutu ada, hivyo ndivyo mwezi huu mtukufu unavyokaribishwa na baadhi yetu.

Hujisahau tukadhani tutawahi tu Ramadhani kufuta yote yale ambayo tuliyafanya kwa makusudi na kwa akili zetu, yaani kwa wenye kuiona dhiki basi tutende kwa mda ili yale yote maovu na huo mwezi wa kifungo cha mambo yetu aah haya tena hatuna budi, utakwisha na mchezo utapigwa tena mwezi mosi shaawal, yote Mola anayajua kwenye vifua vyetu.
Kipindi hiki cha Ramadhani ni muhimu sana kwetu na sio cha kufanyia mzaha. Tumeogelea kwa miezi 11 sasa imepita, tunahitajiwa tusome Qur’aan kwa wingi, tutafute rizki ya halali, tuseme yaliyo mazuri na tuhudhurie mikusanyiko ya kheri kama darsa, nyiradi na dua. Kipindi hiki ndiyo bilisi wa keram,karata,Dhumna na mechi za mpira za Ramadhan ndio huanzishwa eti kupass time, hivi miezi 11 iliyopita haijatosha ? huu mwezi mmoja ndio wa keram na bao na ligi za ulaya hata vipindi vya sala vitupite au tusali bila umakini ili turudi kwenye starehe tusizoweza kuzisamehe!. Itakuwa ni khasara kwetu kama tutapasstime kwa matamanio na michezo. Hatujui nani atakayechukuliwa zamu yake kuelekea kaburini au alieikosa nafasi yakutubia na saa ya kabuli kwake kaipoteza. Tunawasihi na kujinasihi sote tuache yote ya kustarehe tuelekee nyumba za ibada kama hatuna nafasi hiyo basi tukae na familia zetu tusome Qur’aan au kuelekezana mema na kukatazana maovu.
MWISHO

NURU YA RAMADHANI

<header class="node-header-book">
<h2></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

"Hakika Tumeiteremsha (Qur'ani) katika usiku wa Laylatul Qadri (Usiku wenye heshima kubwa - ambao nia katika mwezi wa Ramadhani)

Ni nini kitakujulisha usiku huo wa Laylatul Qadri?

Usiku huo (mmoja tu) wa Laylatul Qadri ni bora kuliko miezi elfu. (97:1-3).

Usiku huu wa Laylatul Qadri kama Mwenyezi Mungu Alivyotudokezea, ni usiku ambao Ameupa heshima kubwa sana hadi ukafikia kuipita miezi elfu (miaka 83 na miezi 4) na hivyo basi anayefanya mema katika usiku huu mmoja tu, huwa sawa na aliyefanya mema kwa muda wa miezi 1000, na afanyaye maovu usiku huu, pia naye huwa amejidhulumu nafsi yake kwa kujichumia adhabu kubwa.

"Inawezekanaje usiku mmoja tu kuishinda miezi elfu?" Hili ni swali wanalojiuliza baadhi ya watu.

Jibu ni: Sote tunaamini ukweli wa Mwenyezi Mungu. Hangeweza kutujuza habari zisizo na ukweli. Pia kulingana na fahamu zetu, hatungeweza kufikia ujuzi wa hali ya juu kama huu. Kwa mfano ambao ni karibu zaidi wa kulifafanua swali hili ni: Lau mtu atapanda mbegu moja ya papai, ambayo kwa kawaida huwa ndogo sana, utastaajabu kuona imetoa tunda ambalo ni kubwa kinyume na mbegu ya embe ambayo ni kubwa na wakati wa kuzaa hutoa tunda dogo, kwa hivyo ni ajabu usiku mmoja tu kuishinda miezi elfu kwa thawabu na utukufu.

Ingawa habari zimewafikiana za kuwako kwa usiku huu mwezi wa Ramadhani, pana hitilafu kubwa sana juu ya usiku wenyewe ni upi? Na huwa tarehe ngapi ya mwezi huu wa Ramadhani? Riwaya kuhusu hoja hii zimefikia 27, na Mwenyezi Mungu mwenyewe Ameificha siku hii makusudi na kutoibainisha ili watu wapate kufanya ibada kwa wingi sana kwakutegemea siku hii kuwa yoyote ile katika mwezi huu kwani lau wangeijua tu basi hata hawangeshughulika katika zile siku zingine.

Ingawa riwaya za usiku huu zimefikia 27, na ingawa usiku huu hasa haujulikani ni upi katika mwezi huu, sisi hufanya A’amaal maalum na mahasusi za usiku huu katika masiku ya 19, 21 na 23.

Masiku haya matatu ya A’amaal ambazo hufanywa, ni Sunna kwa mtu kuoga wakati wa Magharibi.
Pili, wakati huo wa kuanza Ibada husali rakaa mbili ambazo husomwa Surat Alfatiha na Ikhlas mara saba (7) kwa kila rakaa.

Baada ya Sala hii husoma: <em>Astaghfirullaha Rabbi wa atubu ilayhi</em> yaani: "Naomba msamaha kwa Mwenyezi Mungu na ninatubu kwake", mara 70.

Kisha huweka Musahafu mbele yako na kusoma:
<em>Allahuma inni as’aluka bikitabik</em><em>a</em><em>l</em><em> </em><em>munzal. Wa maa fihi wa fihi Ismukal Akbar wa Asmaaukal Husna, wa maa yukhafu wa yurjaa an taj'alani min 'utaqaaika minan-naar.</em>

Yaani: "Ee Mwenyezi Mungu! Ninakuomba kwa utukufu wa kitabu chako hiki - Ulichokiteremsha, na yaliyomo mkiwemo Jina lako kuu na pia Majina Yako Matukufu na Yanayoogopewa na kutarajiwa, Unijaalie niwe miongoni mwa watakoachiliwa na moto".

Kisha omba utakacho.

Baada ya Amali hii utasoma Tawassul hii, na huku umeiwekelea Qur'ani juu ya kichwa:

<em>Allahuma bihaqqe hadhal Qur'ani, wa bihaqqe man arsaltahu bihi, wa bihaqqe kulli mu'minin madahtahu fihi, wa bihaq</em><em>q</em><em>iqa alayhim, falaa ahada 'aarafu biha</em><em>q</em><em>q</em><em>iqa minka.</em>

Hapo endelea na haya mara kumi kumi (10):
<em>Bika ya Allahu; Bi Muhammadin; Bi 'Aliyyin; Bi Fatimah; Bil Hasani; Bil Husayni;</em>
<em>Bi 'Aliy ibnil-Husayni; Bi Muhammad ibni 'Aliyyin; Bi Ja'far ibni Muhammadin;</em>
<em>Bi Musa ibni Ja'farin; Bi 'Aliy ibni Musa; Bi Muhammad ibni 'Aliyyin;</em>
<em>Bi 'Aliy ibni Muhammadin; Bil Hasan ibni 'Aliyyin; Bil Hujjati.</em>

Na sasa omba utakacho.

Sunna nyengine katika masiku haya ni kukesha katika kufanya ibada (si katika kucheza karata) kwani ibada hii ya kukesha ni miongoni mwa yanayomfutia mtu madhambi yake.
Na zaidi ya hayo, kuna sala nyengine ambayo husaliwa rakaa 100 na kila rakaa husomwa Suratul Fatiha na Ikhlasi 10, hivyo basi kuifanya idadi ya Ikhlasi katika sala hii kufikia 1000.

Katika masiku haya Ibada iliyo nzuri zaidi, ni kule kuomba Maghfira (Msamaha) na kuomba haja mbali mbali za hapa Duniani na za Akhera, zako wewe mwenyewe, wazee wako, jamaa, ndugu, majirani na kadhalika Waislamu wote kwa jumla uwaombee.

Vile vile ni Sunna kuyasoma haya mara 100. "Ninakuomba msamaha Mola wangu na ninatubia kwako."

Ama katika usiku wa mwisho, yaani usiku wa kuamkia 23, huzidisha zaidi Ibada ambazo ndizo kinga kwa mwanadamu. Miongoni mwa ibada za usiku huu ni kusoma Suratul Ankabuut, Suratur-Ruum, na Suratud-Dukhaan. Na husoma Dua alizokuwa akizisoma Imam As-Sajjad Zainul Aabidiina Ali bin Hussein (a.s.).

Dua zenyewe huitwa Makaarimul Akhlaaq, na Du’at-Tauba: na kwa kuwa hatungeweza kuziandika zote, tumekifia kwa hizi fupi tu ili atakayetaka zaidi, anaweza kuja kwetu akanunua vitabu vilivyo mahasusi kwa dua za mwezi wa Ramadhani viitwavyo Najaatus-Swaaimiina na Tuh'fatus-Swaaimiina.

Makaarimul Akhlaq:

Ee Mwenyezi Mungu: Mteremshie rehema na amani (mjumbe wako) Muhammad na Aali zake, na imani yangu Uifikishe kwenye ukamilifu wa imani, yakini yangu Uijaalie iwe bora ya yakini, Uifikishe nia yangu hadi kwenye daraja na ubora wa nia, na amali zangu ziwe ni amali bora.

Ee Mwenyezi Mungu, Imakinishe nia yangu kwa upole wako, Uirekebishe yakini yangu kwa ujuzi wako, na Unisuluhishie kwa uwezo wako yaliyoharibika kutokana na mimi.

Du’aut-Tauba:

Ee Mwenyezi Mungu! Kwa hakika mimi ninatubia kwako nikiwa nimesimama hapa madhambi yangu yote makubwa na madogo, vile vile maovu yangu ya ndani na ya dhahiri, pia matelezo yangu yote ya hapo zamani na yatakayozuka.

Ninatubu kwako toba ya yule ambaye hataizushia nafsi yake maasi tena, na asidhamirie kuyarudia makosa kabisa kabisa.

</div>
</div>
</div>

Usiku Mtukufu Wa Laylatul Qadri

<header class="node-header-book">
<h2></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Saumu kama ilivyopokewa katika Qur'ani kadhalika imepokewa katika vitabu vya dini mbali mbali.

Kulingana na ushahidi wa Aya tuliyoitaja huko nyuma inayosema "Enyi mlioamini, mmefaradhiwa kufunga kama walivyofaradhiwa wa kabla yenu ili mpate kumcha Mwenyezi Mungu! Ulazima wa Saumu kwa watu wote wa leo na wa kale umethibiti”

Ingawa katika Aya hiyo Mwenyezi Mungu atujulisha kama, jee Saumu tuliyofaradhiwa sisi ndiyo ile ile na kwa namna ile ile na kwa idadi zile zile walizofaradhiwa wa kabla yetu ama kwa namna iliyo tofauti? Hata hivyo si lazima juu yetu kujua.

Na Mwenyezi Mungu alitujulisha hili ili tusiwe na malalamiko (kama ilivyo ada ya mwanadamu) kuwa, kwa nini sisi tulazimishwe Saumu na hali wa kabla yetu hawakufunga na hali wao ni waja kama sisi? Ndiyo maana Akatujulisha mapema kabla ya nyudhuru zetu kutolewa. Ingawa ndugu zetu Wakristo wanatambua wazi Fardhi hii, kwa bahati mbaya wao hawakuijali bali wameyashughulikia mengine.

Hebu na tuangalie katika kitabu chao (Biblia - Agano jipya).

Katika Mathayo 6, kifungu cha 16 hadi 18 kumeandikwa hivi: "Tena mfungapo msiwe kama wanafiki wenye uso wa kukunjamana, maana hujiumbua nyuso zao ili waonekane na watu kuwa wanafunga. Amin nawaambia, wamekwisha kupata thawabu yao. Bali wewe ufungapo jipake mafuta kichwani, unawe uso, ili usionekane na watu kuwa unafunga, ila na Baba yako aliye sirini na Baba yako aonaye sirini atakujazi."

Pia katika Mathayo 4, kifungu cha 1-2 imeandikwa hivi: "Kisha Yesu alipandishwa na Roho nyikani, ili ajaribiwe na Iblisi. Akafunga siku Arobaini mchana na usiku, mwisho akaona njaa."

Ndugu mpendwa, jee pana udhuru wowote tena wa kutofunga kwa Wakristo baada ya ushahidi huu? Jee inafaa kutumia mbinu zozote zile za ulaghai ili kuupuza maamrisho ya Allah? Jee inasihi mtu kutangatanga mabarabarani akinadi kwa kila namna ya vishindo eti "Mimi nimeokoka.....Mimi nimeokoka..." Na hali anaihepa Saumu? Hasha Wakalla.......hilo haliwi.

</div>
</div>
</div>

'Saumu' Katika Biblia

Minasaba za Kislamu

<header class="node-header-book">
<h2>Ni Nani Aliyeshinda Pale Karbala?</h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Katika vita vyote washiriki huwa wana malengo fulani ya kutimiza na kufaulu kunatolewa na kundi ambalo linafanikisha lile lengo lake na kushindwa hukasimiwa kwenye kundi ambalo hushindwa kulifikia lengo lake. Nini yalikuwa malengo ya Husein katika Vita vya Karbala na ni kwa kiwango gani amefanikiwa katika kulifikia lengo lake? Kitu gani Yazid alikuwa anapenda kukitimiza kwa kuingia katika vita na Husein? Je, yeye alifanikiwa katika kulifikia lengo lake?

Husein hakumpinga Yazid kwa sababu ya uadui binafsi kwake. Kama Husein angependelea tu kubakia hai katika ulimwengu au kama Yazid alikuwa tu angependa kwamba Husein akate mawasiliano yote na mambo ya kisiasa, hakuna haja ya vita kati ya watu hawa wawili ambayo ingeweza kutokea.

Kilichofanya vita kati yao viwe si yenye kuepukika ilikuwa kwamba baada ya yeye kufanya alazimike kuwa Khalifa juu ya Waislamu, Yazid pia alidai kuwa mrithi wa Mtume wa Uislamu. Katika kufanikiwa kwa lengo hili Yazid alimuona Husein kama ndio kipingamizi halisi, ingawaje Husein pengine angeepuka kula kiapo cha utii kwake katika hali ya kimya kimya.

Yazid alichochea kwa nguvu sana uhuishaji wa uyakinifu wa kipagani, lakini Husein alikuwa ngao ya kiroho na ibada ya Mwenyezi Mungu. Yazid alitenda na alisaidia uonevu na dhuluma, bali Husein alihusika na kudumisha ukweli na haki. Yazid alidhamiria kuziangamiza sheria na sifa pekee za Uislamu ambazo Husein aliiona kazi hiyo ni wajibu wake kuzidumisha na kuzilinda.

Ilikuwa ni kwa sababu hizi kwamba wakati akielezea nia yake katika kumpiga vita Husein, Yazid alidhihirisha msimamo wake wa kibeberu kwa kusema kwamba Husein amewafanya watu wajue haki zao, kwa hiyo, amehatarisha kuwepo kwa majumba mengi makubwa na makasiri makubwa, na kwamba ilibidi apigane na Husein ili kuulinda utawala wake na kusalimisha mali na utajiri wake.

Husein, kinyume chake, yeye alielezea mapambano yake dhidi ya Yazid kwa mashairi yenye maana; “Mwenyezi Mungu anatambua vyema kwamba chochote kile anachokimiliki Yazid hicho ni mali ya watu wengine kabisa. Alikuwa hana haki ya kukitwaa kwa matumizi yake binafsi. Kama, kwa kuwa mbadhilifu kama alivyo, angechagua kufanya uadilifu, angebadilisha njia zake (na mwenendo wake) na angetuliza fitina zake.”

Kama walivyo madhalimu wote, Yazid alilenga kupoozesha hisia za watu na kudumaza ari yao ya kuongea ukweli. Watu walikwishaacha kutumia akili zao katika kutafakari juu ya usawa wa madai ya mtawala wao juu ya madaraka. Hata kama kwa bahati isiyo ya kawaida mtu alifikiria kuhusu hilo, ujasiri wa mtu ulishindwa kutamka uamuzi ulio huru. Lengo la Husein lilikuwa kwamba uwezo wa hisia za watu ambao ulikuwa unafifia au kupungua nguvu na ujasiri wao wa kuzungumza waziwazi ambao ulikuwa umedhoofishwa, ni lazima vihuishwe na kudumishwa.

Katika mwaka wa 60 A.H. Waislamu mara kwa mara walishuhudia uovu na matendo ya karaha ya serikali ya Syria, lakini kwa ujumla walikuwa wamezidiwa na hali ya utepetevu na ukosefu wa hisia. Utokeaji wa ghafla wa tukio lisilo la kawaida ulihitajika kuwatikisa watu kutokana na uzito wao wa kiakili na kuziamsha hisia zao. Kifo cha kishahidi cha Husein kililitimiza hili kwa namna yenye athari kubwa. Mfano wake mtukufu uliwapa watu ujasiri wa (kuweza) kuelezea hisia zao.

Walipoona kwamba alikuwa sio Husein peke yake, bali sahaba zake wazee na vijana pia walijitoa muhanga kwa utulivu kamili, au waliposikia taarifa za tabia kama hizo, watu walikuja kukifikiria kifo kuwa chepesi zaidi kati- ka njia ya haki kuliko ambavyo wamewahi kukifikiria kabla ya hapo.

Kufanya jambo zaidi kupita kiasi mara nyingi huzaa matokeo ambayo ni kinyume cha vile ilivyokusudiwa. Yazid aliulundika uonevu juu ya uonevu dhidi ya Husein ili kwamba mwisho wake wa kusikitisha uwe kama onyo kwa wengine walioelekea kumpinga. Husein alikabiliana na ukatili wake wote kwa utulivu na subira, kiasi kwamba katika shauku yake ya ukatili, Yazid alishindwa kuutambua mpaka ambao kwamba watu labda wangeweza kuuvumilia uonevu, na ambao zaidi ya hapo hisia zao zilizolala, zenye ganzi zingeamshwa kwa nguvu kiasi cha kuufanya uonevu urudi nyuma na kujiangamiza wenyewe.

Al-Hurr bin Yazid al-Riyahii, afisa wa jeshi na baadhi ya watu katika jeshi la Yazid walijiunga na Husein katika siku ya mwezi 10 Muharram. Katika siku ya tatu baada ya mauaji ya Husein wakati Ubaydulah bin Ziyad alipoonyesha utovu wa adabu kwenye kichwa cha Husein, Zayd bin Arqam, sahaba mkongwe wa Mtume, alilalamika na kukipinga kitendo hiki. Wakati Yazid alipokirudia kitendo hiki cha Ibn Ziyad mjini Damascus cha utovu wa adabu mbaya sana kwenye kichwa cha Husein, sio tu Abu Barza al-Aslam bali hata balozi wa kikristo wa Mfalme wa Roma alimkosoa kwa ukali na uwazi kabisa.

Huu ulikuwa ndio ushindi wa Husein. Uongo (batili) ulikuja kupingwa wazi azi kabisa na kuchochea kutoafikiana kwa papo kwa hapo.

Kabla ya vita vya Karbala, nani angeweza kuwa na ujasiri kuongea habari za Husein kwa heshima kubwa mbele ya baraza laYazid? Baada ya watu wa Husein walioharibikiwa na kuporwa walipokwisha kufikishwa katika baraza yake kama wafungwa, Yazid ilimbidi asikilize kwa utulivu sifa nyingi zilizokuwa zikitolewa juu ya Husein.

Moja ya alama za uhakika kabisa ya kushindwa ni kwamba kundi lililoshindwa hujitoa kutoka kwenye msimamo lililokuwa limeuchukua kabla ya kuanza kwa mapigano. Kile ambacho kimesababisha vita kinaonekana kuwa kutowezekana kutimizwa. Vita kati ya Husein na Yazid vilikuwa vimeanzishwa kwa sababu Yazid alikuwa amesisitiza juu ya kupata kutoka kwa Husein kiapo cha utii kwake. Al-Husein alilikataa hili kwa uthabiti imara kabisa.
Je, Yazid alisimama imara kwenye dai lake hilo? Yazid alikuwa amependa kupata kiapo kutoka kwa Husein, siyo katika wadhifa wa Husein kama mtu tu wa kawaida, bali katika wadhifa wake kama mrithi wa kiroho wa Mtume. Baada ya kifo cha Husein, mtoto wake, Ali ibn Husein alichukua nafasi ile ile hasa kama baba yake. Ali ibn Husein na watu wote wa familia ya Husein waliosalimika baada ya vita vya Karbala walishushwa hadhi kufikia hali ya kuwa wafungwa. Kama Yazid asingesalimu amri kwenye suala la kiapo cha utii, angepaswa kulirudia dai lake kwa Ali ibn Husein. Hakuna kitu kama hicho ambacho kilipendekezwa kwake, kitu ambacho kinaonyesha wazi kwamba Yazid alikuwa amejitoa kwenye msimamo wake wa awali.

Matokeo yake, ni lazima ikubalike kwamba mwishoni, kati ya washindani hawa wawili, Husein aliibuka kuwa mshindi na Yazid kuwa ndiye aliyeshindwa.

</div>
</div>
</div>

Ni Nani Aliyeshinda Pale Karbala?

UKHALIFA WA IMAMU ALI (A.S)

Tofauti kubwa iliyopo baina ya Waislamu wa Kishia na Waislamu wa Kisunni ni juu ya imani ya Ukhalifa na Uimamu baada ya kuondoka kwa Mtukufu Mtume Muhammad (SA.W.W). Sisi waislamu wa Kishia tunaamini kuwa Imam Ali bin Abi Talib (a.s) ni khalifa na ni Imam wa kwanza baada ya Mtume (S.A.W.W) ambapo ndugu zetu Waislamu wa Kisunni wanaamini kwamba Seyidina Abubakar ( r.a.) alikuwa ni khalifa wa kwanza. Ingawa kuna tofauti nyingine ndogo ndogo zilizopo baina ya madhehebu makubwa ya Uislamu (Shia na Sunni) kwa mfano katika sheria (Fiqh) kama vile kukunja mikono wakati wa kusali au kuinyoosha n.k. lakini hizi ni tofauti ndogo ndogo sana ambazo zinaweza hata kupatikana ndani ya madhehebu manne ya Kisunni (Imam Shafi, Maliki, Hanafi na Hanbali ).

WITO KWA WAISLAMU KUUENDEA UKWELI

UKHALIFA WA IMAMU ALI (A.S)

Tofauti kubwa iliyopo baina ya Waislamu wa Kishia na Waislamu wa Kisunni ni juu ya imani ya Ukhalifa na Uimamu baada ya kuondoka kwa Mtukufu Mtume Muhammad (SA.W.W). Sisi waislamu wa Kishia tunaamini kuwa Imam Ali bin Abi Talib (a.s) ni khalifa na ni Imam wa kwanza baada ya Mtume (S.A.W.W) ambapo ndugu zetu Waislamu wa Kisunni wanaamini kwamba Seyidina Abubakar ( r.a.) alikuwa ni khalifa wa kwanza.

Ingawa kuna tofauti nyingine ndogo ndogo zilizopo baina ya madhehebu makubwa ya Uislamu (Shia na Sunni) kwa mfano katika sheria (Fiqh) kama vile kukunja mikono wakati wa kusali au kuinyoosha n.k. lakini hizi ni tofauti ndogo ndogo sana ambazo zinaweza hata kupatikana ndani ya madhehebu manne ya Kisunni (Imam Shafi, Maliki, Hanafi na Hanbali ). Masuala haya tutayajadili hapo baadae InshaaAllah. Mbali na tofauti hiyo kubwa, kuna mambo yanayofanana katika imani za Waislamu wa Shia Ithnaa Ashariyya na Waislamu wa Kisunni. La kwanza ni nguzo tano za Uislamu, yaani : (a) Shahaada - Laa Ilaaha Illallah - Muhammadur Rasuulullah - Hakuna Mungu apasaye kuabudiwa kwa haki isipokuwa Allah - na Muhammad ni Mtume wa mwisho wa Allah. (b) Sala tano za kila siku (c) Kufunga mwezi wa Ramadhan (d) Kuhiji katika nyumba takatifu ya Kaa'ba (e) kutoa Zaka kwa ajili ya maskini. Kwa pamoja Shia Ithnaa Asheriyya na Sunni wanaamini kua kitabu cha mwisho cha Allah Qur'an bado kipo vile vile bila mapunguzo au maongezo, na wanajaribu kufuata maamrisho yake bila kubakisha kitu. Kwa pamoja Shia Ithna Asheriya na Sunni wanaichukulia Sunnah na Sira (namna alivyoishi Mtume s.a.w.w) ya Mtume kuwa ni muongozo kwa Waislamu katika maisha yao ya kila siku na wanajaribu kuifuata kwa uangalifu mkubwa ili wapate kuokoka hapa duniani na Akhera.

Ingawa wapo watu waharibifu katika jamii ambao kwa kuto kua na elimu tosha, wanatushutumu sisi Shia Ithna Asheriya kwa madai mbalimbali ya uongo kama vile kudai kua Shia wana Qur'an yao au madai kua eti Shia wanaamini kua Utume ulikua ni wa Imam Ali bin Abitalib, n.k. Wale wote wanaoutafuta ukweli, wanatakiwa kuyatupilia mbali madai (shutuma) haya maovu dhidi yetu na tunawaomba watembelee misikiti na madrasa zetu ambazo mara zote zipo wazi kwa Muislamu yeyote kuja kuthibitisha imani zetu.

Kuna Shia zaidi ya millioni 250 duniani kote ambao wanaamini kuwa Mtume Muhammad (s.a.w.w) ni Mtume wa mwisho na wanafuata maamrisho ya Qur'an na Sunna za Mtume (S.A.W.W) katika maisha yao ya kila siku. Katika manispaa ya Dodoma peke yake, sisi Shia tuna misikiti miwili; Khoja Shia Masjid na Masjid Imam Mahdi (A.S) na tunawaalika waumini wote wa Kiislamu kututembelea katika misikiti hii ili kupata ushahidi kwa macho yao kuhusiana na imani na matendo yetu kabla ya kuangukia katika mtego wa waharibifu wanaotuzulia habari za uongo.

&nbsp;

UKHALIFA WA IMAMU ALI (A.S)

<header class="node-header-book">
<h2><span style="font-size: 16px;">Mwenyezi Mungu Anasema, "Na kiwe katika nyinyi (Waislamu) kipote ambacho kitawalingania watu katika mambo ya kheri, kiwe kinaamrisha mema na kinakataza maovu.”</span></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Kuamrishana mema na kukatazana maovu ni jambo la lazima kwa kila mwislamu awaye mume au mke, na hasa wakati wa Ramadhani.

Ingawa mwezi huu mashetani hufungwa kama ilivyopokewa katika hadithi, pana adui mwengine kwa mwanadamu ambaye husononeka sana anapomwona mwanadamu katika mwangaza wa utiifu, na ye si mwengine bali ni "Nafsi". Mungu Asema: "Nafsi ni yenye kuamrisha (sana) maovu."

Mmoja wa wanavyuoni asema: "Nafsi ni kitu kiovu zaidi ya mashetani elfu."

Nafsi hii hii ndiyo ambayo huwaghafilisha baadhi ya watu wasifunge mwezi huu, wala wasikumbuke kabisa adhabu ziwasubirizo wasiofunga.

Mtume (s.a.w.) alisema "Watu wasiofunga hufungwa miguu yao kwa pingu kisha wakaninginizwa vichwa vyao chini na miguu yao juu na huku wapigwa na kucharazwa mijeledi kemkem, pia huwa nyuma yao wale wanaokula kabla ya wakati maalum wa kufuturu haujafika."

Jee ndugu waona!!! Lakini lao kubwa ni kama alivyosema Mwenyezi Mungu katika Qur'ani: "Hakika wao wanaoiona (siku ya kiama) iko mbali nasi Tunaiona iko karibu sana."

Pia wanaofunga na huku hawasali, wao ni mfano mbaya sana kwa umma wa Kiislamu. Allah Anasema, "Adhabu kali sana itawathibitikia wale wanaosali na ambao wao katika sala zao hughafilika."

Waliokusudia hapa ni watu ambao wao husali leo kesho hawasali, husali asubuhi jioni hawasali na kadhalika. Ikiwa Mwenyezi Mungu Amekasirika hivyo hadi kufikia hatua ya kuapa kuwatia adabu wasiosali sawasawa, waonaje kwa yule asiyesali kabisa? Ama wasiosali wamewekeana mkataba na Mwenyezi Mungu wa kusameheana?

</div>
</div>
</div>

'Nafsi' Ni Adui

<header class="node-header-book">
<h2><span style="font-size: 16px;">Vijana wa Kiislamu! Mwezi wa Ramadhani umetuwadia, hatuna wakati mwengine tuutarajiao tena na kuutumaini katika kufuzu kwetu usio huu. Balaa zote za kutuletea maafa hapo kesho (Akhera) tuziepuke na tuwe mbali kabisa nazo.</span></h2>
</header>
<div class="field field-name-body field-type-text-with-summary field-label-hidden">
<div class="field-items">
<div class="field-item even">

Katika mwezi huu hakuna masingizio yoyote, ambayo tunaweza kujisingizia nayo kama vile kudai kwamba 'O'..... Shetani ametushika sana! Kwani Mtume (s.a.w.) ametudokezea kwamba, "Mwezi wa Ramadhani unapoingia, milango yote ya rehema huwa wazi (kuwapokea wanaotaka kuingia), milango yote ya Jahannam hufungwa na Mashetani wote hutiwa minyororo ili wasiwahangaishe."

Ajabu kubwa zaidi ni kijana wa Kiislamu kuvaa ushanga, mikufu na bangili namna wafanyavyo wanawake. Ni hadi lini watajisitahi na kuwa na haya juu ya haya wayafanyayo?

Ni aibu kubwa kwa vijana wa Kiislamu kuhalifu sheria za dini yao hasa katika mwezi huu. Kwa kila aliye na uchunguzi, atastaajabu sana kumwona mtu aliyekuwa mnyenyekevu mchana kutwa, msalihina, kubadili hali hiyo na kuufanya usiku kuwa sitara ili kumdumishia maasi yake.

Ikiwa hawatajinasihi katika muda huu wa rehma na maghfira wakumbuke kuwa wamo hatarini ya kupoteza imani.

Badala ya kuketi mabarazani kusengenyana na kufitiniana, tunahimizwa kuingia misikitini na kuendesha ibada mbali mbali na tukisome kitabu cha Mwenyezi Mungu kwa wingi yaani Qur'ani. Kwani pasi na kufanya hivyo, tutakuwa tunaupoteza wakati wetu ambao ni wa thamani sana kama ilivyopokelewa katika kauli za wahenga wa kiarabu kwamba: 'Wakati ni kama upanga, usipouvunja, (mwishowe) utakukata.'

</div>
</div>
</div>

Islamic sources

Dua na Ziyara

Matukio ya Kiislamu

Minasaba za Kislamu

Akida

Vijana

Mafunzo ya malezi